قولت انا اسف علي اسلوبي وقله ذوقي اتمني تقبلي اسفي ضحكت بذهول وده من ايه مش فاهم انا اللي مش فاهمه منين الصبح من وقت ما جيت وانت مش طايقني ولا طايق مني كلمه …ومنين دلوقتي بتعتذرلي وتقولي أنك حددت معاد الفرح مع بابا انت بشخصتين ولا ايه ! ضحكت علي رد فعلها وانا بهز راسي بنفي لا انا شخصيه واحده معنديش شيزوفرنيا متقلقيش وبعدين اممممم اي رأيك لو نتعرف علي بعض ده بجد !
بجد ردت وهي بتفرك ايديها بتوتر ط طب ماحنا نعرف بعض مش اوي يعني …انا كل اللي اعرفه عنك اسمك سيدرا بس بس وحياتك ابتسمت بخجل وهي بتبص في الأرض عايز تعرف اي عني امممم يعني عندك كام سنه مثلا ٢٤ انا عندي ٢٨ متعلمه!! سألتها السؤال ده وانا حاطط ايدي علي قلبي ومنتظر اجابتها بفارغ الصبر طال صمتها وهي بتبصلي بهدوء مريب ففهمت انها مش متعلمه حكيت فروه راسي باحراج خالص ولا حتي بتعرفي تقراي وتكتبي عشان يعني ع عشان اولادنا في المستقبل و…..
انا خريجه كليه اعلام يا وليد فتحت بوقي بذهول وانا ببصلها پصدمه انتي بتتكلمي جد وانا كمان في اعلام ردت بسخريه كنت فاكر اني جاهله هه ل لا مش قصدي ب بس …. فكرتك عني غلط تماما انا مش جاهله ولا اهلي ناس متخلفين وجهله …انا ابويا خريج تربيه رياضيه وامي خريجه تجاره واخويا الكبير خريج هندسه … احنا عيله متعلمه وواعيه ومثقفه رديت بذهول معقوله! خلفنا توقعاتك مش كده حطيت راسي في الأرض بأحراج
انا بعتذر مره تانيه اتنهدت تنهيده طويله حصل خير هو انا ممكن أسألك سؤال ! اكيد هو انتي تعرفيني من زمان بلعت ريقها بتوتر وبصت يمين وشمال وهي بتحاول تتجنب النظر في عيني ا اكيد مش ابن عمي بس احنا عمرنا ما اتقابلنا ! مين قال كده اتقابلنا واحنا صغيرين ضحكت بذهول وانتي لسه فاكره ده انا نسيت انا ذاكرتي قويه ممكن سؤال تاني اتفضل هو انتي ليه مش بتتكلمي صعيدي كليتي في القاهره طبيعي اتعلم اللغه بتاعتكم
بس انا عمري ما شوفتك ابدا طبيعي لانك متخرج من زمان رديت باحراج اه صحيح سيدرا انا ا انا … انت ايه اتكلم بصيت في عيونها وبدون وعي بدأت احكيلها قصتي وهي قاعده بتسمعني بكل هدوء لحد ما خلصت اتنهدت بحزن عشان كده انت رافض فكره الجواز مش عشان مبحبكيش أو عشان انتي وحشه بالعكس ياسيدرا انتي اللي يشوفك يحبك من اول ثانيه اللي يشوفك قلبه يدوب من جمال عيونك لكن انا …. انت عمرك ما هتحبني ولا هتحب حد لانك خاېف
اتنهدت بحزن وانا بهز راسي لأنها بدأت تفهمني … فجأه لقيتها بتمسك ايدي وبتبص في عيوني وهي بتهمس بحب انا بحبك بتحبيني !!! من واحنا صغيرين وانا بحبك …حتي لما كبرت كبر حبك جوايا وكنت بدعي ليل مع نهار تكون — من نصيبي ممكن اخد فرصه قلبي دق دقه ورا التانيه وانا ببص في عيونها اللي كأنها مغناطيس ا انا ا انا فرصه مش هتندم صدقني اتنهدت ورديت بحزن قلبي مش حمل خبطات تاني قلبك طول ما هو معايا في امان
وعد ! وعد ابتسمت ابتسامه برزت الغمازه الشمال اللي علي خدي وانا بسلمك قلبي بعد مرور سنه كنا قاعدين في نفس المكان بنفتكر اليوم ده بكل تفاصيله وكأنه امبارح كنت ساند راسي علي رجلها وببص للسما وهي بتداعب شعري بكل رقه رفعت عيني وانا يناديها سيدرا نعم ياحبيبي فاكره لما قولتيلي أن طول ما قلبك معايا هيبقي في امان ! ابتسمت برقه اكيد قومت من علي رجلها وانا بمسك ايديها الاتنين وببصلها بكل امتنان وحب
انا بحبك اوي ابتسمت والدموع بتلمع في عينيها نادرا اوي لما تقولي بحبك من دلوقتي هتسمعيها كل دقيقه وكل ثانيه لاني فعلا بحبك من كل قلبى وانا كمان بحبك اوي وحطت ايديا علي بطنها وهمست بدموع وابنك بيحبك رديت بذهول ا ا انتي ا انتي قربت مني وهمست في ودني حامل في الشهر الاول شديتها لح.ضني والدموع بتلمع في عيني وانا برفع راسي للسما الحمد لله يارب ..الحمد لله ما بعد سنين من التوهه ومن قله أمل خدني
يشاء ربك يعوضني وتيجي حياتي تمليها امل وحنان تمت عروس_الصعيد إيمان_شلبي
