اسكريبت بقلمي إيمان شلبي الصعيد جايبلي عروسه من الصعيد يابابا !! ومالها الصعيد يابني بلد ابوك وبعدين دي بنت عمك ولا اعرفها ولا شوفتها قبل كده انا استحااااله اوافق علي حاجه زي كده صعيد ايه اللي اتجوز منه في الآخر اتجوز واحده جاهله ومين قال إنها جاهله من الصعيد هتكون ايه يعني انت اللي جاهل ومبتفهمش هي عشان من الصعيد تبقي جاهله اتنهدت وانا بجز علي اسناني بغيظ جاهله بقي ولا مش جاهله انا مش هتجوز من الصعيد
لو موافقتش لا انت ابني ولا اعرفك رديت بعصبيه يابابا انا مش بنت عشان تغصبني اتجوز واحده مش بحبها وانت شوفتها فين عشان تقول بحبها او لا ! مشوفتهاش ومش عايز اشوفها هو عافيه ! اه هتروح معايا الصعيد وتتجوزها ورجلك فوق رقبتك انت سامع اخدت نفس طويل ومشيت من قدامه لاني عارف اني لو فضلت اكتر من كده هنتخانق انا وهو كالعاده وانا في الحقيقه معنديش طاقه أبدا لاي خڼاقه خرجت من البيت وركبت عربيتي وفضلت الف بيها في الشارع يمكن اكتر من ساعه وانا بفكر في حل للموضوع اللي طلعلي فجأه ده !
حقيقي مش فاهم ليه بابا مصمم علي الجوازه دي وهو اكتر واحد عارف انا رافض ليه اكتر واحد عارف انا قد ايه عانيت من الحب ومن وقتها وانا قافل قلبي بميه ترباس البنت الوحيده اللي حبيتها مع اول عريس اتقدملها سابتني بدون مقدمات ومفرقش معاها احساسي ولا حبي ليها كانت أول وآخر حب في حياتي لكن للاسف كرهتني في الحب وسيرته حاولت كتير افتح قلبي واتعرف علي غيرها لكن مقدرتش في الحقيقه ! مقدرتش اظلم معايا واحده تانيه ياعالم هحبها اولا
كتير كنت بسمع أن الچرح مبيجيش غير من الشباب بس في حقيقه الأمر أن زي ما في شباب وحشه في كمان بنات وحشه لا تفقه شيئ عن الحب زي البنت اللي كنت اعرفها تماما من وقت ما سابتني وانا مقرر اني مش هدخل في أي علاقه حب تانيه حقيقي مش قادر اسامحها ابدا علي العقده اللي سببتهالي وعلي الشك اللي أصبح بيراودني من كل الأشخاص حتي اقرب الناس ليا الفون بتاعي رن بصيت فيه كان بيرن برقم كريم ابن خالتي
الو فينك يابني اتنهدت بحزن وبصيت حوليا بلف شويه بالعربيه مال صوتك رديت بسخريه يعني خالتك مقالتلكش ! رد باحراج قالتلي بس بس يعني …يابني انت زعلان ليه دلوقتي ده البت قمر والله رديت بضيق كريم اقفل الله يخليك يابني استني بس اشجيني انت فين طيب وانا اجيلك قدام الكافيه بتاعنا طيب مسافه السكه وهكون عندك قفلت معاه وفعلا خمس دقائق وكان قدامي فتح باب العربيه ودخل قعد علي الكرسي وانا باصص قدامي طال الصمت لمده ثواني قاطعه وهو بيبصلي وبيقول بضيق
وبعدين ياوليد رديت ببرود وبعدين ايه وليد الحياه مش بتقف علي حد وانا مش موقف حياتي علي حد ياكريم رد بعصبيه لا موقف حياتك عليها رديت بهدوء عكس اللي جوايا هي اتجوزت خلاص وده ملقتش نظرك لحاجه حاجه ايه انك تفوق تنسي تدي لنفسك فرصه تحب غيرها ! اخدت نفس طويل ورديت بلا مبالاه محدش يستاهل احبه أو اثق فيه مش معني أن أول تجربه في حياتك فشلت انك تستسلم وليد انت عندك ٣٠ سنه واي شاب في سنك لازم يحب ويتحب لازم يتجوز ويعيش حياته ويبقي عنده حته عيل
بصيت له وانا بهمس بحزن احب تاني عشان اتخذل تاني هو قلبي ملطشه عشان ادخله في تجارب فاشله ! وليد مش كل الناس زي بعضها وانا هعرف منين الحلو من الۏحش الحياه تجارب يا اخي بصيتله بضيق انت بتقولي الكلام ده ليه دلوقتي ياكريم طبعا خالتك وبابا زقوك عليا عشان اقتنع واوافق علي الجواز ! وليد ابوك وامك — كبروا وانت ابنهم الوحيد ونفسهم يفرحوا بيك ويشيلوا احفادك رديت بعصبيه خلاص تمام هتجوز هعمل اللي هما عايزينه مش مهم انا اۏلع انا وتولع مشاعري عشان هما عايزين يفرحوا بيا ويشيلوا احفادي
قولهم اني موافق ولا اقولك انا هكلمهم اقولهم اني موافق اتجوز واحده جاهله فلاحه بتحلب الجاموسه كل يوم كريم وهو فاتح بوقه ببلاهه بس هي صعيديه مش فلاحه في فرق ! بقولك ايه مش ناقصك انت كمان اخرس حاضر وبالفعل اتصلت بيهم وبلغتهم بموافقتي بكل هدوء اعصاب لدرجه استغربوا تغيري المفاجئ في اعتقادهم أن كريم اقنعني بالجواز ! محدش فيهم كان حاسس ولا شايف البراكين اللي جوايا محدش شايف قلبي اللي لسه في شروخ مش راضيه تتداوي
حتي بعد ما مرت سنه كامله علي فراقنا يوم السفر الصبح … كنت سايق العربيه بابا قاعد جنبي وماما وكريم في الكنبه اللي ورا كان الصمت مخيم علي المكان مفيش غير صوت الهواء اللي بيدخل من شباك العربيه مع سرعتها كنت باصص علي الطريق وفي بالي الف حاجه الف سؤال الف سيناريو الف ذكري مش راضيه تفارقني كنت بلوم نفسي وقلبي وعقلي اللي رافضين يكرهوها بالرغم أن هي اللي سابتني مش انا ! وآخيرا بعد ساعتين بالتقريب وصلنا المكان اول ما نزلنا الكل استقبلنا بفرحه وابتسامه واسعه
في حقيقه الامر كنت بسلم علي كل شخص ببرود شديد مع انها مش من عادتي ابدا دخلنا البيت استقبلنا عمي بفرحه وخاصه انا حضڼي حضڼ طويل قابلته بكل برود وكأني بقوله بالذوق انا مش عايز بنتك ! استأذنت ادخل الحمام دلني عليه ابن عمي اخو المحروسه اللي مشوفتهاش لحد دلوقتي ضحكت بسخرية من جوايا وانا بتخيل شكلها طبيعي هتكون زي البنات اللي بشوفهم في التلفزيون لابسه عبايه سوداء وطرحه سوداء حطاها علي وشها وعامله فيها امينه مرات سي السيد
اتنهدت وكنت لسه هدخل الحمام بس سمعت صوت بنتين بيتكلموا عريسك جمر يابت ياسيدرا قمر اي بس يافاطمه انتي مش شايفه وشه ده مش طايق نفسه بودانه اللي عامله شبه طاسات الكريب دي عيونه احمرت وعروقي برزت اول ما سمعت جملتها وضغطت علي ايدي وانا بحاول اهدي عشان مدخلش أطبق في زماره رقبتها هش هش يابت لحد يسمعك ردت بلا مبالاه يسمعوا وانا هخاف يعني ! يابت انتي علي طول لسانك فالت أكده!
